Еуразиялық банктің акционері Алиджан Ибрагимов COVID-19-пен күреске қосқан үлесі үшін марапатталды деп хабарлайды Tengrinews.kz.
Алиджан Ибрагимов 343 қазақстандықтардың қатарында «Халық алғысы” медалін иеленді. Марапатты Президент Қасым-Жомарт Тоқаев коронавируспен күресте ерекше көзге түскендер үшін тағайындаған.
Алиджан Ибрагимов наурыз айының соңында “Жаңа Павлодар” қоғамдық қорына 100 миллион теңге көлемінде қайырымдылық жасаған ірі бизнестің алғашқы өкілі болды. Қор қиын өмірлік жағдайларға ұшыраған адамдарға медициналық және әлеуметтік көмек көрсетумен, COVID-19-бен күресу үшін қажетті медициналық дәрі-дәрмектер мен құрал-жабдықтарды сатып алуға қаражат жинаумен айналысады. Осындай соманы – 100 миллион теңгені – акционер Алматы қорына жіберді.
Коронавирус пандемиясы басталғаннан бері және Қазақстанда төтенше жағдай режимі енгізілгеннен бастап Еуразиялық банк акционерлері инфекциямен күреске белсенді қатысуда.
Компаниялар тобы сондай-ақ Нұрсұлтан Назарбаевтың бастамасын да қолдады. Елбасы Biz Birgemiz ERG қорын құру туралы бастамамен сөз сөйлегеннен кейін 4,5 миллиард теңге жіберген алғашқы компания болды. Наурыз айында ERG Қазақстан астанасына профилактикалық іс-шараларды жүзеге асыру үшін 100 миллион теңге бөлді.
60 мыңға жуық адам жұмыс істейтін топтың негізгі өндірістік кәсіпорындары Қазақстан өңірлерінде орналасқан. Топ кәсіпорындарында вирустың таралуының алдын алу үшін ERG алдын алу іс-шараларының жоспарын әзірледі және жүзеге асыруда. Кәсіпорындардағы өндірістік қызметкерлер қосымша жеке қорғану құралдарымен қамтамасыз етілген, вахтаға келер алдында қызметкерлерді тұрақты тестілеу жүргізіледі. Жалпы пайдаланудағы барлық үй-жайларда (тамақ ішу, демалу бөлмелері, дәретхана бөлмелері және т.б.) және қызметтік көлікте дезинфекцияның күшейтілген режимі енгізілді. Үй-жайларды ылғалды жинау және желдету әр екі сағат сайын жүргізіледі. Кәсіпорындардың қызметтік автобустары әрбір тасымалдауға дейін және одан кейін өңделеді. Кәсіпорынның әкімшілік қызметкерлері қашықтықтан жұмыс режиміне ауыстырылды.
Торғай боксит кен басқармасын қоспағанда, ERG кәсіпорындары тұрақты, әдеттегі режимде жұмыс істеуде. Өндірістік жоспарлар орындалуда.