Алаяқтар әрқашан азаматтардың ақшасын алаяқтықпен алудың жаңа жолдарын іздейді. Қаржы пирамидалары  — осындай тәсілдердің бірі. Қаржылық мониторинг агенттігі (ҚМА) қаржы пирамидаларына тартатын алаяқтармен белсенді күресті жалғастыруда* және кез келген қаржылық операцияларды жасау кезінде сақ болуға шақырады.

Жақында ҚМА қаржылық алаяқтықтарды уақтылы анықтауға және тоқтатуға бағытталған “Қаржы пирамидаларына қарсы іс-қимыл” жобасын іске қосты.

Бүгінгі таңда ҚММ сайтында жосықсыз қызмет белгілері бар ұйымдардың тізімі орналастырылған. Бұған қосымша азаматтарға қаржы ұйымдарын қаржы пирамидаларының белгілері бойынша тексеруге мүмкіндік беретін телеграм-бот іске қосылды. Сонымен қатар, қазақстандықтарға экономикалық құқық бұзушылықтар туралы бір рет басу арқылы хабарлауға мүмкіндік беретін бот іске қосылды.

Сондай-ақ әрдайым ҚР Қаржы нарығын реттеу және дамыту агенттігінің Қаржылық қызметтерді тұтынушылардың құқықтарын қорғау департаментінен, мысалы, Fingramota Online ұялы қосымшасы арқылы (App Store және Play Market дүкендерінен жүктеуге болады) қаржылық сауаттылық бойынша тегін кеңес пен ұсыныстар алуға болады..

* Қаржы пирамидасы — жаңа қатысушылардың ақшалай қаражатын үнемі тарту арқылы құрылым мүшелеріне кірісті қамтамасыз ету жүйесі: пирамиданың бірінші қатысушыларының табысы кейінгі қатысушылардың қаражаты есебінен төленеді.