Даму Өндіріс 2 (3 транш)

Өнімнің сипаттамасы және жалпы шарттары

• Мақсатты сегмент 

Қазақстан Республикасының заңнамасына сәйкес шағын және орта кәсіпкерлік субъектілері болып табылатын және өңдеу өнеркәсібі саласында жобаларын жүзеге асыратын шағын және орта бизнес субъектілері (Қосымшаға сәйкес).

• Бір түпкілікті қарыз алушыға арналған ең жоғарғы лимит 

3,6 миллиард теңгеден аспайды, бірақ тамақ өнеркәсібі саласындағы жобалар үшін лимит жоқ.

• Қарыз мерзімі

— Инвестициялық мақсаттарға немесе инвестицияларға бағытталған қолданыстағы қарыздарды қайта қаржыландыруға берілетін қарыздар бойынша — 120 айдан аспайды.

— Айналым капиталын толықтыру мақсаттарына немесе айналым капиталын толықтыруға бағытталған қолданыстағы қарыздарды қайта қаржыландыруға берілетін қарыздар бойынша — 60 айдан аспайды.

• Қарыздың мақсатты тағайындалуы

— Инвестициялар;

— Айналым капиталын толықтыру;

— Бұрынғы қаржылық қолдау бағдарламаларына қатыспаған бұрын берілген қарыздарды қайта қаржыландыру (Қазақстан Республикасының Үкіметінің 14.04.2014 жылғы № 354 және 05.12.2014 жылғы № 1276 қаулыларына сәйкес, «Бизнестің жол картасы 2020» мемлекеттік бағдарламасы, Қазақстан Республикасы Қаржы министрлігінің және «ҚазАгро» Ұлттық басқару холдингінің сауықтыру бағдарламалары), өтінім берген күннен кемінде бір жыл бұрын берілген жағдайда.

• Түпкілікті қарыз алушыларға қарыздар беруге тыйым салынады:

— Заңды тұлғалардың жарғылық капиталына қатысу үшін;

— Бұрын жұмсалған шығындарды өтеуге;

— Байланысты компаниялардан/тұлғалардан негізгі қаражаттарды немесе активтерді сатып алуға.

• Қарыз бойынша номиналды сыйақы мөлшерлемесі 

Жылына 6%.

• ЖТСМ 

6,2%-дан бастап.

• Қарыз валютасы

Теңге.

• Кредиттік желінің қолжетімділік кезеңі 

1 (бір) жылға дейін.

Бағдарламаға қатыса алмайтын шағын және орта кәсіпкерлік субъектілері

— Акцизделетін тауарларды өндіруді көздейтін жобаларды жүзеге асыратындар.

Құрылтайшылары (соның ішінде қатысушылары, акционерлері) ұлттық басқарушы холдингтер, ұлттық холдингтер, ұлттық компаниялар және ұйымдар болып табылатын, акцияларының (жарғылық капиталға қатысу үлесінің) елу пайызы немесе одан көбі мемлекетке, ұлттық басқарушы холдингке, ұлттық холдингке, ұлттық компанияға тікелей немесе жанама тиесілі заңды тұлғалар, сондай-ақ коммерциялық емес ұйымдар.

Бағдарламаға кімдер қатыса алады

Өңдеу өнеркәсібі саласында жобаларын жүзеге асыратын шағын және орта кәсіпкерлік субъектілері (ШОБ), олар төменде көрсетілген.

Салалар
Файл өлшемі: 165,5 Кб