ТҰРАҚТЫ ДАМУ ЖӘНЕ ESG

Еуразиялық банк тұрақты даму қағидаттарын енгізе отырып, бизнесті дамытады. Біз қаржылық нәтижелерді ғана емес, қоршаған орта мен қоғамға тиетін әсерді де ескереміз.

Экологиялық әсер (Environmental)

Біз ресурстарды тұтынуды қысқарту, цифрлық шешімдерді енгізу және экологиялық бастамаларды қолдау арқылы қоршаған ортаға тиетін теріс әсерді азайтамыз.

Әлеуметтік жауапкершілік (Social)

Біз қызметкерлер үшін жайлы жағдай жасаймыз, қызметтеріміздің қолжетімділігін қамтамасыз етеміз және әлеуметтік жобаларды қолдаймыз.

Корпоративтік басқару (Governance)

Біз ашықтықты қамтамасыз етеміз, іскерлік этиканы сақтаймыз және тиімді корпоративтік басқару жүйесін дамытамыз.

3-інші мақсат: Жақсы денсаулық және әл-ауқат

Адамдардың өмір сүру сапасы мен әл-ауқатын жақсартуға бағытталған бастамаларды қолдаймыз

Сапалы білім

Қызметкерлерді дамытуға инвестиция салып, білім беру бағдарламаларын іске асырамыз

5-інші мақсат: Гендерлік теңдік

Әйелдер мен ерлер үшін тең мүмкіндіктерді қамтамасыз етеміз

8-інші мақсат: Лайықты жұмыс және экономикалық өсу

Адам капиталын дамытып, тұрақты экономикалық өсуге ықпал етеміз

13-інші мақсат: Климаттың өзгеруімен күрес

Экологиялық әсерді азайтамыз және «Баға жетпес планета» Mastercard халықаралық коалициясына қатысамыз

16-ыншы мақсат: Бейбітшілік, әділдік және тиімді институттар

Жоғары корпоративтік басқару стандарттары негізінде ашық әрі жауапкершілігі зор бизнес құрамыз

БҰҰ Жаһандық шарты

2026 жылы Еуразиялық банк тұрақты даму және бизнесті жауапкершілікпен жүргізу саласындағы халықаралық бастама — БҰҰ Жаһандық шартына қосылды.

Қатысу аясында Банк адам құқықтары, еңбек қатынастары, қоршаған ортаны қорғау және сыбайлас жемқорлыққа қарсы іс-қимыл салаларындағы БҰҰ Жаһандық шартының он қағидатына бейілділігін растайды.

Банктің ілгерілеуі туралы ақпарат сілтеме бойынша қолжетімді.

Экологиялық жауапкершілік

— су тұтыну 7%-ға қысқартылды

— төлем карталарын шығару кезінде пластикті пайдалану 35%-ға қысқартылды

— электромобильдерді қаржыландыру 8,4 есе артты

Әлеуметтік жауапкершілік

— банктің басшы лауазымдарындағы әйелдердің үлесі – 53,6%

— бір қызметкерді оқытуға кететін орташа уақыт мөлшері – 15,2 сағат

— банкоматтардың 100%-ы мүгедектігі бар адамдарға бейімделген

Қоғамға қосқан үлесі

2025 жылы Банк қызметкерлердің Әлеуметтік жобалар конкурсы аясында іске асырылған бес бастаманың әлеуметтік әсерін бағалады. Инвестициялардың әлеуметтік қайтарымын бағалау (SROI) нәтижесі әрбір салынған теңгеге 1,52 теңге әлеуметтік құндылық қалыптасқанын көрсетті.