Қазақстандықтардың қаржылық әрекеті нақты ырғаққа бағынады. Еуразиялық банк клиенттердің транзакцияларын талдаған кезде қызықты нәтижеге көз жеткізді.

Сенбі аптаның ең «қымбат» күні болып табылады екен, өйткені орташа чек 8 300 теңгені құрайды, ал шығындардың жалпы көлемі бойынша бұл күн апта ішінде сенімді түрде көш бастап тұр. Жалпы алғанда, демалыс күндеріндегі орташа чек жұмыс күндерімен салыстырғанда 3%-ға жоғары.

Орташа чек бойынша көшбасшылар үштігіне тек демалыс күндері ғана емес, басқа күндер де кірді. 7 800 теңге шамасындағы көрсеткіші бар сейсенбі мен бейсенбі екінші және үшінші орынды иеленеді — апта ортасында да қазақстандықтар ақша жұмсай алады. Сенбіге толықтай қарама-қайшы күн — дүйсенбі, ол аптаның ең үнемді күні болып табылады.

Шығындар көлемі бойынша көшбасшы —2 миллионнан астам транзакция жасайтын супермаркеттер мен азық-түлік дүкендері. Одан кейінгі орында 200 000-ға жуық операция жасайтын мейрамханалар мен 163 000-нан астам операция жасайтын жылдам тамақтану мекемелері тұр. 26 000-нан астам транзакция жасайтын киім-кешек дүкендері соңғы орында тұр. Сенбі — бір мезетте қазақстандықтардың тоңазытқышты толтырып, үйден тыс жерде түскі ас ішіп, гардеробын жаңартатын күн.

Біраз уақыттан бері түн де сауда жасайтын уақытқа айналды. Барлық сатып алулардың 8%-дан астамы немесе әрбір он екінші транзакция көпшілік ұйықтап жатқан уақытта жасалады екен. Cағат 17:00 шамасында сауда шарықтау шегіне жетеді, яғни жұмыс күні аяқталады, қазақстандықтар үйге қайтар жолда дүкендерге, дәмханаларға кіріп, жеткізу қызметі қосымшаларын аша бастайды.

Кешкі және түнгі уақытта қыза бастайтын белсенділіктің бірі - жеткізу қызметі. Бүгінде қазақстандықтардың жартысына жуығы, яғни 48,1%-ы, тұрақты түрде тамақ, азық-түлік, киім-кешек және техниканы жеткізу қызметін пайдаланады. Бұл - жағдайға байланысты ыңғайлану емес, қалыпты жағдайға айналған жайлы өмірдің бір бөлігі.