NEW SMARTcard

SMARTcard– бұл кредиттік лимиті бар Mastercard халықаралық төлем жүйесінің төлем карточкасы. Карта иесіне сатып алуды бөліп төлеумен жүзеге асыруға, өз қаражатын сақтауға, қолма-қол ақша алуға және төлемдер мен аударымдар бойынша операцияларды жүзеге асыруға мүмкіндік береді.

SMARTcard-тың көмегімен тек Қазақстанда ғана емес, бүкіл әлем бойынша да сатып алулар жасауға болады.

Картаның кредиттік лимиті жаңартылатын болып табылады – ақша қажет болған сайын банкке барудың қажеті жоқ. Картаны көп рет пайдалануға болады және сіздің қолжетімді балансыңызға (кредиттік лимит және меншікті қаражат) байланысты жұмсауға болады.

1. https://eubank.kz/smartcard/ бетіндегі онлайн өтінімді толтырыңыз. Сізге Банк менеджері хабарласады.
2. Банктің кез келген бөлімшесінде менеджерден өтінім рәсімдеңіз. Банк бөлімшелерінің мекенжайлары: https://www.eubank.kz/map/filial/.

SMARTcard үшін несие лимитін сәтті қарау және мақұлдау үшін сізге:

1. ҚР резиденті болу;
2. жасы 18-ден 65 жасқа дейін;
3. 2 айдан кем болмайтын жұмыс өтілі бар.

1. Картамен бірге алынған құжаттармен мұқият танысу;
2. Картаның артқы жағындағы арнайы жолаққа қол қою (қол қойылмаса, кассир сізге карта бойынша қызмет көрсетуден бас тартуы мүмкін);
3. ДСН-код белгілеу:

– SMARTcard мобильді қосымшасының басты бетінде карта белгішесін басып, «Күйге келтіру» бөлімін және ЖСН-кодты орнату үшін «ДСН-код» қызметін таңдау.

– немесе ыңғайлы нөмірге қоңырау шалу:

Beeline:        +7 (777) 333-37-27
Tele2/Altel:  +7 (700) 333-37-27

Kcell/Activ: +7 (778) 870-77-27

Енді сіз Қазақстанда, интернетте және шетелде карта бойынша кез келген операцияларды жасауға дайынсыз.

Жаңартылатын кредит лимиті

Бөліп төлеумен сатып алған сайын лимит сомасы сатып алу сомасына азаяды, ал төлемді  жасаған сайын қолжетімді сома толықтыру сомасына ұлғаяды, бұл сізге жаңа сатып алулар жасауға мүмкіндік береді.

Карта бойынша комиссиялар

Карта бойынша комиссиялардың барлық түрлерімен Сіз “Тарифтер” бөлімінде таныса аласыз.

SMARTcard-ты пайдаланған кезде келесі талаптар қолданылады:

1. Банк серіктестерінің желісіндегі сатып алулар пайызсыз және артық төлемсіз 6 ай мерзімге бөліп төлеумен жүзеге асырылады

2. Банк серіктестерінің желісінен тыс сатып алулар пайызсыз және артық төлемсіз 3 ай мерзімге бөліп төлеумен жүзеге асырылады.

3. Қолма-қол ақша алу, төлемдер және аударым операциялары жеңілдікті кезеңсіз кредитке жасалады.

SMARTcard-тың көмегімен сіз әлемнің кез келген жерінде тауарларды және қызметтерді бөліп төлеумен сатып ала аласыз.

Тауарларға немесе қызметтерге төлеу үшін кассирге картаңызды беріңіз немесе егер төлеудің жанасусыз әдісі қарастырылған болса, картаңызды терминалға тигізіңіз.

Жанасусыз төлемдер кассада келесі белгілермен көрсетілген:

Жанасусыз төлем кезінде сізден ДСН-кодты енгізуді және жеке тұлғаны куәландыратын құжатты сұраулары мүмкін.

Кассир POS-терминалда 2 чекті басып шығарады, чектердің бірін сізге қол қою үшін береді, чектің екінші көшірмесін міндетті түрде өзіңізбен бірге алып алыңыз. Картаңызды да алуды ұмытпаңыз.

Сатып алғаныңыз қажетіңізге жарасын!

Төлем жасау үшін сізге картаның нөмірі, жарамдылық мерзімі және картаның артқы жағында көрсетілген үш таңбалы CVV2 коды қажет.

Интернетте операция жасаған кезде ешқандай жағдайда PIN-кодты көрсетпеңіз.

Сатып алудан бұрын тауарды қайтару, өтеу және жеткізу шарттарымен танысыңыз. Сатып алуларыңыздың растамаларының көшірмелерін, соның ішінде тапсырысты жеткізу шарттарын міндетті түрде сақтаңыз.

Берешекті уақытылы өтеу үшін сізге айдың 1-ші күні мен 20-шы күні (осыны қоса алғанда) аралығында ең төменгі төлемнен кем емес сомаға тең ақшалай қаражатты шотқа салу керек.

Айдың қорытындысы бойынша банк қарастырылған комиссияларды есепке алумен ең төменгі төлеміңізді есептеп береді. Сіз төлемді уақытылы төлеп үлгеру үшін банк айдың басында сізге ең төменгі төлемнің сомасы және жеңілдікті кезеңнің сомасы бар, сондай-ақ төленуі тиіс күні көрсетілген SMS-ты жібереді.

Ең төменгі төлем және өтеу мерзімі туралы барлық қажетті ақпаратты Smartbank-тан да көруге болады.

Берешекті айдың 10-15 күніне дейін алдын-ала өтеуге кеңес береміз. Егер қандай да бір себептермен сіз ең төменгі төлем сомасы мен күні туралы SMS алмаған болсаңыз және / немесе оны Smartbank-тан біле алмасаңыз, төлем мәліметтерін нақтылау үшін әрқашан қолдау қызметіне хабарласа аласыз.

Ай сайынғы төлем бойынша берешек өтелмеген жағдайда, сіздің картаңыз мерзімі кешіктірілген берешекті өтегенге дейін пайдаланудан оқшауланатын болады

Ең төменгі төлем келесілерден тұрады:

1. бөліп төлеу бойынша төлемдер;

2. кредит бойынша төлемдер (кредит бойынша берешек сомасының 5% мин 2000 теңге;

3. қолданылған нақты күн сандары үшін кредит бойынша есептелген сыйақы;

4. банк тарифтеріне сәйкес комиссиялар.

1.Маңызды! Серіктестер желісінде сатып алу кезінде сіздің сатып алуыңыз автоматты түрде 6 айға бөліп төленумен жүргізіледі.

2. SMARTcard карталары бойынша серіктестік желісі Қазақстан бойынша 5 000-нан астам сауда нүктелерінен тұрады.

3. Серіктестік желісінің барлық дүкендерінде келесі сәйкестендіру стикерлерін табуға болады:

4. Аталған стикерлер дүкеннің SMARTcard жобасының серіктесі екенін білдіреді.

Карта бойынша комиссиялардың барлық түрлерімен сіз «Тарифтер» бөлімінде таныса аласыз (белсенді сілтеме https://eubank.kz/smartcard/fees/ )

SMARTcard пайдалану кезінде келесі шарттар қолданылады:

1. Банк серіктестерінің желісінде сатып алу пайызсыз және артық төлемсіз 6 ай мерзімге бөліп-бөліп жүзеге асырылады.

Smartbank–те бөліп төлеудің басқа мерзімін белгілеуге болады-3, 9, 12 ай.

2. Банк серіктестерінің желісінен тыс сатып алулар 50 күнтізбелік күнге дейін жеңілдікті кезеңмен автоматты түрде кредитке жасалады.

Smartbank-те кредиттің орнына 3, 6, 9 немесе 12 айға бөліп төлеуді белгілеуге болады.

3. Қолма-қол ақша алу және аударым операциялары жеңілдікті кезеңсіз кредитке жасалады.

Өзгертуге жатпайды

Жеңілдікті кезең — өткен ай үшін бөліп-бөліп төлеудің барлық сомалары толық өтелген жағдайда, карта бойынша комиссиялар есептелмейтін кезең.

SMARTcard картасы бойынша кредитке сатып алуға берешекті өтеудің 50 күнге дейінгі жеңілдікті кезеңі қолданылады.

Жеңілдік кезеңі басталады және операция жасалған күннен бастап келесі айдың 20-на дейін созылады.

Жеңілдік кезеңін пайдаланыңыз және ешқандай комиссия төлемеңіз!

Мысалы, сіз бірнеше сауда жасадыңыз:

Жеңілдікті кезеңді пайдалану үшін алдыңғы айдағы транзакциялардың толық сомасын (серіктестік желіден тыс) 20 қазанға дейін өтеу қажет.

Осылайша, жеңілдік кезеңінің шарттарын орындау үшін 20 қазанға дейін өтеу қажет:

3 000 теңге + 9 000 теңге + 15 000 теңге = 27 000 теңге — жеңілдікті кезеңде өтеуге арналған сома.

Берешекті уақтылы өтеу үшін айдың 1-ші күнінен бастап 20-шы күніне дейінгі (қоса алғанда) кезеңде шотқа ең төменгі төлем сомасынан кем емес ақша қаражатын енгізу қажет.

Айдың қорытындысы бойынша Банк көзделген комиссияларды ескере отырып, сіздің ең төменгі төлеміңізді есептейді. Төлемді уақытында төлеп үлгеруіңіз үшін, Банк айдың басында сізге ең төменгі төлем сомасы және жеңілдікті кезең сомасы, сондай-ақ төлем жүргізу қажет болатын күн көрсетілген SMS жібереді.

Ең төменгі төлем және өтеу мерзімі туралы барлық қажетті ақпаратты Smartbank-тен де көруге болады.

Қарызды алдын ала айдың 10-15-не дейін өтеуді ұсынамыз. Егер қандай да бір себептермен сіз ең төменгі төлем сомасы мен күні туралы SMS алмасаңыз және/немесе оны Smartbank-тен біле алмасаңыз, төлем туралы толық ақпарат алу үшін әрдайым қолдау қызметіне хабарласа аласыз.

Ай сайынғы төлем бойынша берешек өтелмеген жағдайда, сіздің картаңыз мерзімі өткен берешекті өтегенге дейін пайдалану үшін бұғатталатын болады.

Ең төменгі төлем мыналардан тұрады:

1. бөліп төлеу бойынша төлемдер;
2. кредит бойынша төлем (кредит бойынша берешек сомасынан 5% ең азы 2000 теңге және / немесе жеңілдікті кезеңі бар кредит бойынша берешектің барлық сомасын төлеу);
3. пайдаланған нақты күндер саны үшін кредит бойынша есептелген сыйақы;
4. Банктің тарифтеріне сәйкес комиссиялар

SMARTcard бойынша барлық комиссиялар Банк тарифтерінде көрсетілген (істегі сілтеме https://eubank.kz/smartcard/fees/)

Сіз ең төменгі төлемді уақытылы салып немесе жеңілдікті кезеңді пайдаланып үлгеруіңіз үшін банк айдың басында сізге ең төменгі төлемнің аясында өтеу сомалары, төлемнің күні және уақыты туралы ақпаратпен SMS  жолдайды.

Төлемді жүргізуді ең соңғы күнге қалдырмауға, оны ертерек, айдың 10-шы күніне дейін төлеуге кеңес береміз.

Егер сіз қандай да бір себептермен айдың басында жолданатын SMS-тен өтеу сомасын нақтыламасаңыз, біз сізге ең төменгі төлемнің аясында өтеу сомалары, төлемнің күні және уақыты туралы ақпаратпен SMS-ты қайта жібереміз.

Төлем ең төменгі төлемді қалыптастыру күнінен бұрын енгізілген жағдайда, атап айтқанда есепті айдың 20-дан 31-ші күніне дейінгі кезеңде енгізілген сома меншікті қаражат шотына есептеледі және бұл сома кредит бойынша борышты (бар болса) өтейді, ал бөліп төлеу бойынша борышты өтеу төлем кезеңі басталғаннан кейін, яғни келесі айдың 1-ші күнінен бастап 20-шы күніне дейін жүргізілетін болады.

Бұл ретте төлем кезеңінде салынған сома ең аз төлемнен кем болмауы тиіс.

Есеп айырысу күні келгенде меншікті қаражаттар шотындағы сома автоматты түрде берешекті өтеу есебіне есептен шығарылады.

Егер салынған сома ең аз төлемді өтеуге жеткіліксіз болса, барлық салынған қаражаттар төлемді өтеуге жұмсалады. Өтелмеген сома мерзімді кешіктіруге шығарылады.

Егер сіз картамен айдың 20-шы күні мен 31-ші күні аралығында төлейтін болсаңыз, сатып алу сомасы бірінші кезекте меншікті қаражаттан есептен шығарылатын болады.

Төлемдің бірнеше нұсқалары бар:

– ең төменгі төлем мөлшерінде (кредит + бөліп төлеу);

– ең төменгі төлемнен артық (ең төменгі төлемнің үстіндегі сома кредит бойынша берешекті өтеуге жұмсалады, егер кредит бойынша берешек болмаса, онда сома өз меншікті қаражатына есептелетін болады);

– кредит және бөліп төлеу бойынша жалпы берешек сомасында.

Егер сіз берешекті толық өтегіңіз келсе, Smartbank-те «Мерзімінен бұрын өтеу» функциясын пайдалана аласыз:

1. Қарыз сомасын Smartbank-тен біліңіз;
2. Картаны ыңғайлы түрде толтырыңыз;
3. Кредит бойынша өтеу автоматты түрде жүзеге асырылады.

Бөліп төлеуді толық өтеу үшін Smartbank-тегі «Мерзімінен бұрын өтеу» функциясын пайдаланыңыз.

SMARTBANK мобильді қосымшасында 24/7 режимінде картадағы қаражатыңызды толық бақылау үшін карта бойынша ақпаратты онлайн режимінде тексеріңіз.

Иә. кез келген сомаға сатып алулар үшін* (букмекерлік конторалар мен казино қызметтеріне ақы төлеуді, электрондық әмияндарды толықтыруды, жеке сот орындаушыларының пайдасына қызметтерді өтеу/төлеуді, аударымдар мен  кредиттерді өтеуді, айыппұлдарды және бюджетке төленетін басқа да төлемдерді қоспағанда) бонустар есептеледі:

1. Бірінші қолма-қол ақшасыз операция үшін + 500 бонус (бонустар Smartbank мобильді қосымшасында бірінші төлемнен кейін немесе карта бойынша бірінші сатып алудан кейін есептелінеді).

2. Онлайн сатып алу үшін 3% дейін бонустар**. Өткен айда барлық карталар бойынша қолма-қол ақшасыз айналымда:

Standard деңгейінде 1% бонус (150 000 теңгеге дейін);

Standard+ деңгейінде 2% бонус (150 001 теңгеден 300 000 теңгеге дейін);

Advanced деңгейінде 3% бонус (300 001 теңгеден).

3. Смартфон (Apple/Samsung/Google/Garmin Pay) арқылы сатып алғаны үшін + 3% дейін бонустар***. Өткен айда барлық карталар бойынша қолма-қол ақшасыз айналымда:

Standard деңгейінде 1% бонус (150 000 теңгеге дейін);

Standard+ деңгейінде 2% бонус (150 001 теңгеден 300 000 теңгеге дейін);

Advanced деңгейінде 3% бонус (300 001 теңгеден).

4. “Ойын-сауық” санаты бойынша +30% бонус (кинотеатрлар, галереялар, театрлар, аттракциондар, бейнеойындар клубтары, цирктер, хайуанаттар бағы және т. б.)

Бұл ретте, SmartCard бойынша Smartbank-та сүйікті санатты таңдау жүзеге асырылмайды, ол автоматты түрде қолданылады.

5. + 2% дейін қосымша бонус.****

6. eurasia36.kz сайтында сақтандыру полисін онлайн сатып алу кезінде 5 бонус

* Шектеулер бар. Толығырақ «Бонустар» бетінен оқыңыз.

**Apple/Samsung/Google/Garmin Pay көмегімен тауар ақысын төлеген кезде бонус есептелмейді.

***Бонус тек Apple/Samsung/Google/Garmin Pay арқылы POS-терминалдарда және интернетте жүргізілген сатып алулар үшін есептеледі. Бонус “Интернеттегі сатып алғаны үшін есептелген бонуспен”  жинақталмайды.

Есептелетін бонустың мөлшері Клиенттің алдыңғы Есеп айырысу кезеңінде Банк шығарған барлық карталары бойынша Қолма-қол ақшасыз айналымға байланысты болады. Сондай-ақ, төлем карточкалары бойынша Қолма-қол ақшасыз айналымды есептеу кезінде “Букмекерлер” санаты бойынша төлемдерді қоспағанда, Банктің “Eurasian bank” мобильді қосымшасында, оның ішінде “Кредитті өтеу” санаты бойынша (ай сайынғы төлемдер, ішінара-мерзімінен бұрын өтеу, толық мерзімінен бұрын өтеу) жүргізілген төлемдер ескеріледі.

****Retail – операция үшін қосымша бонус – аталған retail-операциясы жасалған күннен 3 күн бұрын орналасқан жеке тұлғаның депозиттеріндегі жинақ сомасы 1 500 000 нан 5 000 000 теңгеге дейін (бонус 1%) немесе 5 000 001 нан жоғары (бонус 2%) болған жағдайда қолданылады. Бонустар тек теңге валютасындағы (KZT) депозиттер бойынша есептеледі.

Клиенттерге ыңғайлы болу үшін Банк берешекті өтеудің түрлі нұсқаларын қарастырды. Сізге ыңғайлы кез-келгенін таңдаңыз:

– Smartbank мобильді қосымшасындағы кез келген Банктің картасынан аудару;

– Банктің төлем терминалдары, Cash-in функциясы бар банкоматтар, kassa24 төлем терминалдары арқылы қолма-қол ақшамен толықтыру;

– Банк бөлімшелерінің кассалары арқылы қолма-қол ақшамен толықтыру.

1. Картаны қолма-қол ақша сияқты қауіпсіз жерде сақтаңыз.
2. Картаны ешкім карта нөмірін, қолтаңбаңыздың үлгісін, CVV2 кодын көшіре алатындай етіп қалдырмаңыз.
3. Банкоматтың орналасқан жеріне, сондай-ақ оның құрылымында бөгде элементтердің болуына назар аударыңыз. Егер банкомат сізге күдікті болып көрінсе (мысалы, карта қабылдағыштың айналасындағы материал банкоматтың өзінен өзгеше болса) немесе нашар жарықтандырылған жерде орналасса, картаны пайдаланбаңыз.
4. Тауарлар мен қызметтерге ақы төлеу жөніндегі операцияларды жүргізу кезінде мүмкіндігінше картаның сіздің көз тасаңыздан жоғалуына жол бермеңіз.
5. SMS-ақпараттандырудың тегін қызметін пайдаланыңыз және Банкке ұялы телефон нөмірінің өзгергені туралы уақтылы хабарлаңыз. Осылайша сіз картаны рұқсатсыз пайдалануға тез жауап қайтарасыз және оны бұғаттай аласыз.
6. Картаның ДСН-кодын құпияда сақтаңыз. ДСН-кодты ешкімге айтпаңыз. Банк қызметкерлері, полиция, дүкен қызметкерлері және кез-келген басқа адамдар сізді ДСН-кодты атауды сұрауға құқылы емес. Ешқашан ДСН-кодты картаға жазбаңыз және оны картамен бірге сақтамаңыз.
7. ДСН-кодты тергенде, сізді ешкім бақыламайтынына көз жеткізіңіз. Сандарды терген кезде пернетақтаны алақаныңызбен жабыңыз.
8. ДСН-кодты қатарынан үш рет қате тергеннен кейін, сіздің картаңызды пайдалану бұғатталады. Картаны бұғаттан шығару үшін Банктің байланыс орталығына хабарласыңыз.

Егер картаның ДСН-кодын ұмытып қалсаңыз, картаны қайта шығару үшін Банкке хабарласыңыз, себебі Банк қызметкерлері ДСН-кодты білмейді.

9. Карта мен ДСН-кодты үшінші тұлғаларға, тіпті туыстарыңызға да бермеңіз.
10. Кіріс қоңырау кезінде, тіпті қоңырау шалушы өзін Банк қызметкері ретінде таныстырса да, ешқандай жағдайда кіру кодтарын (ДСН-код, верификация коды, код сөзі, CVV2) хабарламаңыз.
11. Сізге берілген чекте көрсетілген операция сомасының дұрыстығын мұқият тексеріңіз, содан кейін оған қол қойыңыз.

Маңызды!

Егер сіз картаның жоғалып кеткенін байқасаңыз, картаны дереу бұғаттаңыз немесе ыңғайлы нөмір бойынша тәулік бойы жұмыс істейтін байланыс орталығына қоңырау шалып, Банкке хабарлаңыз:

Beeline:       +7 (777) 333-37-27
Tele2/Altel: +7 (700) 333-37-27

Kcell/Activ: +7 (778) 870-77-27

Қоңырау шалғаннан кейін сіздің картаңыз бұғатталады.

SMARTcard картасы бойынша төлемдерді төлемдер кестесіне сәйкес — Астана уақыты бойынша сағат 20:00-ге дейін төлеу қажет.