+7 (771) 000 7722
Карталар
Сауданы қаржыландыру
«Еуразиялық банк» АҚ сіздерге құжаттамалық операциялар және сауданы қаржыландыру саласында сенімділік пен қолайлылыққа негізделген дүниежүзінде кеңінен тараған және төменде аталған экспорт-импорт операцияларын жүргізу кезінде коммерциялық және қаржылық тәуекелдерді айтарлықтай төмендетуге қол жеткізуге мүмкіндік беретін құралдарды пайдалана отырып, толық қызметтер жиынтығын пайдалануды ұсынады:
- Импорттық және экспорттық құжаттамалық аккредитивтер;
- Сауда операцияларын қаржыландыру;
- Құжаттамалық инкассо.
Дамыған корреспонденттік желі Банкке банктік операциялардың барлық түрлерін тиімді және жедел жүргізіп қана қоймай, сонымен қатар клиенттердің сыртқы экономикалық қызметін үздіксіз қамтамсыз етуге байланысты мәселелерді де шешуге де мүмкіндік береді.
«Еуразиялық банк» АҚ мамандары келісімшартқа қол қою деңгейінде клиенттерге сауданы қаржыландыру мәмілелерінің түрлеріне, олардың ерекшеліктеріне қатысты қажетті нұсқаулар беруге, сондай-ақ келісімшарттың клиенттердің мүдделерін барынша қорғайтын төлем талаптарын жасауға дайын.
Сауданы қаржыландыруға қатысты барлық мәселелер бойынша Саудалық қаржыландыру бөлімшесіде хабарласыңыздар.
Тел.: 250-87-11, 250-87-75
E-mail: TF@eubank.kz
Тел.: 250-87-11, 250-87-75
E-mail: TF@eubank.kz
Құжаттамалық аккредитивтер
Құжаттамалық аккредитив негізінде аккредитивтің талаптарына сәйкес құжаттар уақтылы ұсынылған кезде бенефициарға келісілген валютада белгілі бір соманы төлеу бойынша банктің өз міндеттемесі болып табылады.
Банктің бұл міндеттемесі сатушы мен сатып алушының бір біріне деген наразылықтарына қатыссыз (мысалы ешқандай ерікті түрде талапты есепке жатқызу). Егер сатушы аккредитив талаптарына сәйкес құжаттарды банкке ұсынса, банк оған сатып алушыдан осыған келісімін тағы да сұрамастан төлеуге міндетті.
Клиенттер үшін есеп айырысудың аккредитивті әдісін пайдаланудың негізгі артықшылықтары:
- Банк тауарды жөнелтуді растайтын құжаттарды алмайынша және құжаттар аккредитивтің талаптары мен мерзімдеріне қатаң сәйкес түрде ұсынылғанына көз жеткізбейінше төлемді өз есебінен орындамайтыны туралы Импортаушыда кепілдік бар. Соның ішінде құжаттарда жөнелту және жүк түсірудің және т.б. шекті мерзімдері мен орындары көрсетілуі мүмкін. Егер тауар бойынша құжаттар аккредитив талаптарына сәйкес болмаса, Банктер бұл арқылы импортаушының мүддесін қорғай отырып құжаттарға импортаушының есебінен төлеуден бас тартады.
- Экспортшы бұдан кейін сатып алушының төлем қабілеттілігі мен оның төлеуге дайындығынан тәуелсіз, тауардың сатып алушының мекенжайына жөнелтілгенін растайтын құжаттарды банкке ұсыну және бұл құжаттардың аккредитив талаптарына қатаң сәйкес сәйкестігіне қарсы ол тауарды жөнелтілгеннен кейін іле-шала төлемді ала алады.
- Икемді есеп айырысу құралы.
- Пайдалану ережесі беделді халықаралық ұйыммен белгіленген және бүкіл әлемде мойындалатын жоғары құықтық сенімділік.
Парижде Халықаралық Сауда Палатасы Құжаттамалық аккредитивтерге арналған бірізді ережелер мен ғұрыптар (UCP 600, 2007 ж. басылым) тараптардың құжаттамалық аккредитивтері бойынша өзара қарым-қатынастарын реттейтін негізге алынатын құжат болып табылады.
Аккредитивтермен жұмыс істейтін Банктің негізгі ұстанымдары:
«Банктер тауарлармен, қызметтермен немесе құжаттар жатуы мүмкін міндеттемелерді орындаудың өзге түрлерімен емес құжаттармен жұмыс жасайды» (5-баб UCP600).
Егер Сіз импортшы болсаңыз «Еуразиялық банк» АҚ-та аккредитив ашу үшін Сізге келесілер қажет:
- Мәміле паспортын ресімдеу.
- Белгіленген үлгідегі аккредитивті ашу өтінішін толтыру.
- Банкпен Аккредитив шығару шартын жасау.
- Банктегі өзінің шотында аккредитив бойынша өтелу сомасын, сондай-ақ комиссия сомасын қамтамасыз ету немесе банкпен кредит желісін ашу туралы бөлек келісім жасау. Кредит желісі бар болғанда Сатып алушының ақшаны резервтеуі талап етілмейді.
Келісімшарт жасалған кезде экспортаушы мен импортаушы онда есеп айырысудың аккредитивті нысанын келісімдеуі қажет.
Аккредитивті ашу әдетте 1-ден 3 операциялық күнге созылады, мерзім аккредитив нысаны мен операцияларды жүргізуге қатысатын банктерге байланысты.
Аккредитив мәтінін алғаннан кейін Сатушы өнімді тиеп, өз банкіне сәйкес құжаттарды ұсынады, бұдан соң «Еуразиялық банк» АҚ сатушыға тиесілі соманы Сатып алушыға ұсынылған қаражат есебінен төлейді (яғни аккредитивті өтелу шотынан есептен шығару немесе кредит желісі бойынша қаражат ұсыну).
Ақпарат 10.10.2011 ж. жаңартылған
Келісімшарт жасау бойынша ұсынымдар
1) Аккредитивтің түрі мен нысаны.
Аккредитив тек қана қайтарылмайтын, «бөлінетін» немесе «бөлінбейтін» болады (сәйкесінше ішінара жөнелтімдер мен төлемдердің рұқсат етілгенін немесе рұқсат етілмегенін білдіреді).
Бұдан басқа, трансферабельдік (аударма) аккредитив ашылуы мүмкін.
Аккредитивтің «жаңартпалық» нысанын көрсету міндеттеменің жалпы сомасына қамтамасыз ету ұсынуды талап етеді.
2) Сомасы.
Егер жеткізілетін тауардың 100% төлеу аккредитив бойынша жүзеге асырылса, онда келісімшартта «келісімшарт сомасында» көрсетіледі.
Егер аккредитив тауар құнының бөлігіне ашылса аккредитив бойынша төленетін оның жалпы құнынан сәйкес пайызы көрсетіледі, соманы пайыздардағы шегімен (ұйғарынды ауытқушылықпен) көрсетуге болады.
3) Әрекет ету мерзімі.
Аккредитивтің әрекет ету мерзімі жөнелтудің жоспарлы мерзімі мен құжаттарды дайындау және Банкке беру үшін қажетті уақытқа қарай анықталады.
4) Банк-эмитент.
Біздің клиенттер-импортаушылар үшін – «Еуразиялық банк» АҚ.
5) Орындаушы банк.
Орындаушы банк құжаттарды аккредитив талаптарына сәйкес келуін тексеруді жүзеге асыруға және оларды төлеу немесе төлемеу туралы шешім қабылдауға. Орыс тілінде ғана жасалуы мүмкін құжаттарды (теміржол жүкқұжаттары, кедендік құжаттар) берген жағдайда батыс немесе американдық банкті орындаушы банк ретінде тағайындамау қажет. Орындаушы банк ретінде танымал емес банктерді тағайындамаған дұрыс, өйткені қажеттілік туындаған жағдайда олармен құжаттар мен төлемнің тағдыры туралы келіссөздер жүргізу іс жүзінде мүмкін емес.
6) Аккредитивті таңдау.
«Еуразиялық банк» АҚ-пен келісімделуі қажет растаушы банкті таңдау кезінде келесілерді ескеру керек:
- растаушы банк сонымен қатар аккредитивті орындауға (яғни құжаттарды тексеруге және төлеуге) уәкілетті болуы керек;
- растаушы банктің қаржылық жағдайы банк-эмитентке қарағанда жақсы немесе сатушының елінде орналасуы қажет;
- басқа банктегі аккредитивті растау қосымша шығыстардың туындауына әкеледі (растағаны үшін комиссия, құжаттарды тексергені, төлемді жүргізгені үшін комиссиялар қосымша есептеледі).
Аккредитивтің растауын қамтамасыз ету әдісін анықтау банк-эмитент пен растаушы банктің айрықша құзыреті болып табылады.
7) Құжаттамалық аккредитивтер үшін Сәйкестендіру ережелері мен ғұрыптарға бағыну.
Сәйкестендіру ережелері аккредитивтік операциялар жүргізу бойынша бірыңғай халықаралық стандарт болып табылады(UCP600), алайда аккредитивтік операциялардың қатысушыларында ішінде жалпы түсініктер мен стандарттар баяндалған UCP600 ерекшеленетін талаптарды ескеру құқығы болады.
8) Құжаттар тізімі.
Бенефициардың аккредитив бойынша ұсынатын құжаттар тізімі келісімшарт жасау кезеңінде ескерілуі қажет айрықша маңызды сәт болып табылады.
Ұсынылған кезде аккредитив бойынша төлем жүргізілетін құжаттар тізбесі олардың көмегімен бақылауды талап етілетін шарттың қандай талаптарын орындау қажеттілігіне қарай жасалуы тиіс.
Құжаттар тізімі мүмкіндігінше ықшамдалуы қажет.
Құжаттардың ең аз жиыны шот пен көлік құжатынан немесе қабылдау-тапсыру актісінен тұруы мүмкін.
Келісімшарт талаптарын орындалуын растайтын стандартты құжаттар әдетте келесілерден тұрады:
- жөнелту бойынша – коносамент, теміржол жүкқұжатының телнұсқасы, авиажүкқұжаты, автожол жүкқұжаты (CMR);
- сақтандыру бойынша – сақтандыру полисі/сертификаты;
- сапасы бойынша – сапа сертификаты;
- шығу тегі бойынша – шығу тегі сертификаты;
- импортқа шығаруға тазарту бойынша – кеден мағлұмдамасы;
- тауар саны бойынша – салмақ немесе санының сертификаты.
Құжатты толық және нақты көрсету үшін келісімшартта келесілерді келісімдеуге болады:
- құжат атауы;
- кім шығаруы немесе куәландыруы тиіс;
- талап етілетін мазмұны немесе ерекше маңызды бөлшектері;
- тілі (ағылшын, орыс және т.б.);
- дана саны.
9) Банктік шығыстарды бөлу.
Аккредитивтер бойынша банктік шығыстар мен комиссиялар келісімшарт тараптарының арасында әділетті түрде бөлінуі қажет.
Әдетте , аккредитив бойынша банктік шығыстар сатушы мен сатып алушы арасында төмендегі әдістердің бірімен бөлінеді:
- барлық шығыстар сатып алушының есебінен төленеді;
- барлық шығыстар сатушының есебінен төленеді;
- Қазақстан аумағындағы барлық шығыстар — сатып алушының есебінен, Қазақстан аумағынан тыс жерде — сатушының есебінен;
- Қазақстан аумағындағы барлық шығыстар мен растаушы банктің растағаны үшін комиссиясы — сатып алушының есебінен, қалған барлығы — сатушының есебінен.
Шығыстарды бөлудің соңғы екі әдісі жиі қолданылады, бұл ретте комиссиялық шығыстар қандай да бір түрде келісімшарт тараптарының арасында теңдей бөлінеді. Шетел банктерінің өз клиенттеріне арналған тарифтер шетел компанияларына арналған тарифтерге қарағанда едеуір аз болуы мүмкін, шетел банктерінің комиссия сомасын аккредитив ашу кезеңінде бағалау қиын.
Егер шетел сатушысы аккредитивті растауға қатысуды немесе оның банкі қосымша қызметтер көрсетуді талап ететін болса, осы қызметтерді сатушының төлегенін талап еткен дұрыс.
Есеп айырысуы құжаттамалы аккредитив нысанында болатын келісімшарт талаптарының мысалы
1. 1.000.000,00 (бір миллион) АҚШ доллары мөлшеріндегі сома немесе Келісімшарттың 100% сомасын Сатып алушы құжаттамалық, қайтарылмайтын, Бірінші класты Еуропалық банктермен расталған аккредитивті беру арқылы төлейді (бұдан әрі Шарт мәтіні бойынша – «Аккредитив»).
2. Аккредитив бойынша Растаушы банк Орындаушы банк болып табылады.
3. Аккредитив «Аккредитив бойынша сәйкестендіру ережелері мен ғұрыптарға» бағынуы тиіс, 2007 ж. редакция, басылым ICC № 600.
4. Аккредитив бойынша төлем орындаушы банк келесі құжаттарды ұсынғанда жүзеге асырылады:
- Шот-фактура – 1 түпнұсқа мен 2 көшірме.
- Теміржол жүкқұжатының телнұсқасы – 1 түпнұсқа мен 1 көшірме.
- Сапа сертификаты – 1 түпнұсқа мен 1 көшірме.
- Шығу тегі бойынша – 1 түпнұсқа мен 1 көшірме.
5. Ішінара жөнелтуге рұқсат етілген. Шамадан артық тиеуге рұқсат етілмеген.
6. Құжаттар банкке аккредитив мерзімінің шегінде жөнелту құжаттарын берген күннен бастап 21 күн ішінде.
7. Аккредитивті ашу, аккредитив бойынша растау және есеп айырысуды жүргізу бойынша барлық банктік шығыстар Сатып алушының есебінен, Сатушының банкінде – Сатушының есебінен жүргізіледі. Аккредитив талаптарын өзгерту бастамашы тараптың есебінен жүргізіледі.
8. Аккредитивтің әрекет ету мерзімі – 120 күн. Жеткізуші өнімді аккредитивтің әрекет ету мерзімі ішінде жеткізуге міндеттенеді.
9. Авизолаушы банк – Nordea Bank, SWIFT: NDEAFIHH.
Инкассо
Құжаттамалық инкассо тауарларды жеткізумен немесе қызметтерді ұсынумен байланысты құжаттар импортаушыға немесе қызметтерге тапсырыс берушіге банктік мекемелер арқылы импортаушыға немесе қызметтерге тапсырыс берушіге жазылған тек қана инкассалық соманы төлеу немесе траттаны акцепттеуге қарсы берілетін төлемдер жүргізу нысандарының бірі.
Инкассо тиімді төлем әдісі ретінде қолданылуы үшін сатушы мен сатып алушы барлық егжей-тегжейлі талаптар мен инкассо туралы келісімді өзара келісімдеу қажет. Инкассо жүргізілген кезде банктер «Инкассо бойынша ICC бірыңғай ережелер» халықаралық ережелер мен көпшілік мақұлдаған банктік тәжірибені басшылыққа алады.
Клиенттер үшін инкассоны қолданудың негізгі артықшылықтары:
- сатып алушыға тиімділігі – мерзімі кейінге қалдырылған төлем туралы келісімге келе алса, төлем тауар келгенге дейін немесе тіптен кешірек мерзімге дейін кешіктірілуі мүмкін;
- сатушыға тиімділігі –төлем немесе акцепт жүргізілмейінше тауардың ілеспе құжаттары сатып алушыға берілмейді;
- құжаттамалы инкассо оңай және арзан болып табылады.
Ақпарат 10.10.2011 ж. жаңартылған
Сауда операцияларын қаржыландыру
Сыртқы сауда операцияларын қаржыландыру әдеттегі кредиттерден өзгеше. Сауда қаржыландыру құралдарын пайдаланудың негізгі мақсаты тек қана кредит ресурстарын беру ғана емес, сондай-ақ сауда мәмілесіне қатысушы тараптардың тәуекелін азайту болып табылады.
Сатып алушы аккредитив талаптарын оңтайлы тұжырымдаған кезде, өнімдерді төлеу оларды жеткізген соң (егер келісімшартта аванстық төлемдер қарастырылмаса) және егер, шарттың талаптары сақталған жағдайда ғана жүргізілетініне сенімді болады.
Халықараралық практикада сауда қаржыландыру құралдарының көпшілікке танымал болуы, олардың компанияларға меншігіндегі қаражатты пайдалану тиімділігін, ресурстарды өзінің айналым капиталынан алмастан, арттыруға мүмкіндік беретіндігінде.
Аккредитивтерді постқаржыландыру
Еуразиялық банк сыртқы сауда келісімшарттары бойынша есеп айырысумен өзінің клиент-импортерлері үшін қаржыландыруды құжаттамалық бекітілген аккредитивтер арқылы ұйымдастырады. Қаржыландыру аккредитивтің толық сомасына немесе оның бөлігіне беріледі. Бұл ретте клиенттің шығындарын азайту мақсатында Банк шетел банктерінің барынша арзан қаржы ресурстарын пайдаланады.
Аталған сызбада төлемді аккредитив шеңберінде, сондай-ақ төмендетілген мөлшерлеме бойынша ұзартуға болады.
Шетел банктерінің қаржыларын тарта отырып, аккредитивті нысанда есеп айырысудың артықшылықтары:
- Аккредитивтер бойынша кредит желісін қолданған кезде растаушы шетел банкінің кредит ресурстары пайдаланылады, растаушы батыс банкінің кредиттік мөлшерлемесі Қазақстандағыдан төмен.
- мөлшерлеме бойынша аванстық төлем жүргізуге болады.
- Еуразиялық банк клиентіне осындай схема бойынша кредит беру мерзімі түрленуі мүмкін.
- Клиент аккредитив ашу мезетінде қаражатты айналымнан алмауы қажет.
- Батыстық жеткізуші аккредитив бойынша қаражатты құжаттар растаушы құжаттарға берілгеннен кейін дереу алады, бұл ретте біздің клиенттің аккредитив бойынша қаражатын Еуразиялық банк постқаржыландыру мерзімі аяқталғаннан кейін ғана есептен шығарады.
Шетел банктерінің қаржыландыруларын тартумен расталған аккредитивтер бойынша жұмыс схемасы:
- Қазақстандық клиент-импортаушы мен шетелдік жеткізуші өнімді жеткізуге келісімшарт жасайды.
- Қазақстандық клиент-импортаушы Еуразиялық банкке шетел банкінің қаржыландыруын тартумен аккредитив ашуға өтініш береді.
- Еуразиялық банк аккредитив ашады, растауға және өтелуді аудармастан қаржыландыруға өтініммен бірге оны шетел банкіне береді.
- Шетел банкі өз растауын қоса отырып жеткізушіге аккредитивті авиозолайды.
- Жеткізуші тауарды жөнелтеді.
- Жеткізуші растаушы банкке жөнелту құжаттарын ұсынады.
- Растаушы банк жөнелту құжаттарына өз қаражатынан төлейді.
- Қаржыландыру мерзімі аяқталғаннан кейін Еуразиялық банк растаушы банкке қаржыландыу сомасы мен ол бойынша пайыздарды төлейді.
- Клиент-импортаушы Еуразиялық банкке қаржыландыру сомасы мен пайыздарды өтейді.
Ақпарат 10.10.2011ж. жаңартылған
Кеңес алу қажет пе?
+7 (700) 000 7722
+7 (702) 010 7722
Smartbank
оңтайлы қосымшасы
