Қазақстан Республикасы үкіметінің 01.04.2016 ж. бастап «Азаматтарға арналған үкімет» мемлекеттік корпорациясы» коммерциялық емес акционерлік қоғамын (бұдан әрі – Мемлекеттік корпорация) құру бойынша жұмыстар жүргізіп жатқанын хабарлаймыз.
Мемлекеттік корпорация Тұрғындарға қызмет көрсету орталықтарының, «Жер кадастры ғылыми-өндірістік орталығы» РМК, «Жылжымайтын мүлік орталығы» РМК, «Зейнетақы төлеу жөніндегі мемлекеттік орталығы» РМКК (бұдан әрі – ЗТМО) функцияларын біріктіріп, «бір терезе» қағидасы бойынша мемлекеттік қызметтердің бірыңғай провайдері болады.
ҚР Үкіметінің Мемлекеттік корпорация құру мәселесі бойынша қаулы жобасына сәйкес ЗТМО заңды тұлға ретінде таратылып, оның төлемдерді өңдеу және ақша аударымы бойынша функциялары (міндетті зейнетақы жарналары, міндетті кәсіби зейнетақы жарналар, әлеуметтік аударымдар бойынша, аталған төлемдерді уақтылы аудармағаны үшін өсімпұлдар, екінші деңгейлі банктер мен «Қазпочта» АҚ-тан зейнетақы мен жәрдемақыларды қайтару) 01.04.2016 ж. бастап Мемлекеттік корпорацияға беріледі. Сондықтан 01.04.2016 ж. бастап зейнетақы жарналары мен міндетті әлеуметтік аударымдарды аудару кезінде бенефициардың (алушының) деректемелері өзгереді.
Осыған байланысты наурыздың соңына дейін ЗТМО-ның ескі деректемелеріне міндетті зейнетақы жарналарды, міндетті кәсіби зейнетақы жарналарды, міндетті әлеуметтік аударымдары аударуды аяқтау қажет.