2020 жылғы 12 мамырдан бастап “Еуразиялық банк” АҚ төлем карточкаларын ұстаушылары үшін “Бейілділік” науқанын өткізу талаптарына өзгертулер күшіне енеді.

Енді сатып алулар үшін кепілдендірілген бонус Gold карталары бойынша 0,5%, ал Premium карталары бойынша 1% құрайтын болады.   Ал Smartbank-те сүйікті санатты орнатқаннан кейін және Eurasian Pay, Apple Pay және Samsung Pay жанасусыз төлемдер бойынша ең жоғарғы бонус Gold карталары бойынша — 2,5% дейін, Premium карталары бойынша — 3,5% дейін.

Сонымен қатар сатып алуларға  PayDA картасымен төлеген кезде Кепілдендірілген бонус – 1% және жанасусыз төлеу үшін бонус – 1% есептеледі. Осылайша PayDA картасы бойынша ең жоғарғы бонус – 2% дейін.

Smartbank-гі төлемдер, 1 000 000 теңге және одан да астам сомада депозит бар болғаны үшін бонустар, сонымен қатар бонустарды картаға аудару және бонустарды Smartbank-та жұмсау жойылды.

Банк бонустармен бірлесіп жалпы пайда мөлшерін өсіретін жаңа науқандарды әзірлеуді және іске қосуды жалғастыруда. Бұл ретте Mastercard мен Visa карталары бойынша клиенттер үшін тұрақты акциялар әрекет етеді.

Банктің өнімдерінің талаптары да Қазақстандағы ең үздіктің бірі болған және әлі де болып табылады. Еуразиялық банкте депозиттер бойынша ең жоғарғы пайыздардың бірі, пайыздардың күн сайынғы капиталдандыруы бар, Gold карталарын шығару мен олар бойынша қызмет көрсету тегін, ал Premium карталары бойынша консьерж-сервис, саяхатшыны сақтандыру, күллі әлемдегі әуежайлардағы Lounge Key бизнес-залдарына жеңілдікті кіріп-шығу сияқты ерекше артықшылықтар әрекет етеді.

Өзгертулерді енгізу шешімі Mastercard мен Visa халықаралық төлем жүйелерінің өзара айырбастау мөлшерлемелерінің (interchange) төмендеуіне негізделген.