2020 жылдың 3 ақпанында Қазақстан Республикасының қаржы нарығын реттеу және дамыту агенттігі Еуразиялық банкке бағалы қағаздар нарығында банктік және өзге операцияларды және қызметті жүргізуге лицензия берді.
Банк экономиканың қаржы секторының кәсіби қатысушысының қасиеттерін көрсете отырып, өзінің тұрақтылығы мен сенімділігін бұнымен бірінші рет дәлелдеп отырған жоқ. Жаңа лицензия алуы – Еуразиялық банкке деген сенімнің ақталғандығының бір белгісі болып табылады.
Естеріңізге сала кетсек, банк таяуда өзінің 25-жылдығын атап өткен еді. Қазақстанның Ұлттық банкі банктік және өзге операцияларды жүргізуге лицензияны Еуразиялық банкке 1994 жылдың 26 желтоқсанында берген болатын. 03.02.2020 ж. алынған жаңа лицензияның нөмірі 1.2.68/242/40.