2021 жылғы 10 маусымнан бастап Еуразиялық банк Қазақстан нарығында қайта өңделген пластиктен жасалған алғашқы карточкалық өнімді шығара бастады.

Банк Эко-картаны пайдаланумен жасалатын қолма-қол ақшасыз транзакциялардың 0,5% Eurasian Environmental Fund-қа ағаш отырғызу мен қоқысты қайта өңдеуді қаржыландыру үшін аударады.

Eurasian Environmental Fund — АХҚО Жасыл қаржы орталығының қолдауымен 2021 жылғы 13 мамырда “Астана” халықаралық қаржы орталығының (АХҚО) юрисдикциясында тіркелген коммерциялық емес ұйым.

Банк клиенттерге өз қайырымдылығының нәтижелерін көруге, қор жинаған сомаларды қадағалауға, сондай-ақ ағаштар отырғызудың, қоқысты бөлек жинауға арналған контейнерлер орнатудың геолокациясына мүмкіндік беретін онлайн-механиканы әзірлейді.

Банк қосымша түрде клиентке Eurasian Pay, Apple Pay және Samsung Pay арқылы жанасусыз төлемдер үшін 0,5% бонустар есептейді.

Талаптармен және тарифтермен танысуға, сондай-ақ жеткізумен картаға мында тапсырыс беруге болады.

Жасыл желекті келешекті бір рет түрту арқылы жасаңыз!