Еуразиялық банк IOS операциялық жүйесінде жұмыс істейтін телефон иелеріне арнап Smartbank-та телефон нөмірі бойынша аударымдар жасауды іске қосты.

Аударымдарды әзірше «Сұңқар» мемлекеттік жүйесіне қосылған банктерге ғана жасауға болады: «Еуразиялық банк», «Алтын Банк» және «Банк ЦентрКредит».

Телефон нөмірі бойынша жылдам аударымдар қосымшаның басты бетінде карта нөмірі бойынша жасалатын аударымдар бағанында қолжетімді. Қажетті байланыс нөмірін телефонда жазылған жазба ішінен табуға немесе жаңадан теруге болады. Телефон нөмірі тарихта сақталады.

Банк желісінің ішіндегі транзакциялардың орташа жылдамдығы 1 минутты құрайды, басқа банктерде — 3 минутқа дейінгі уақытты алады.

Банк желісі ішіндегі аударымдар толықтай тегін.  Басқа банктің картасына аударым жасау тарифы — 250 теңге.  Бір операция кезіндегі және тәулігіне жүргізілетін аударымдар лимиті бірдей — 500 000 теңге.

Smartbank-қа арналған жаңартуды бүгін жүктеңіз — ол қазірдің өзінде App Store-да қолжетімді.

Сіздер үшін қолайлы болуға тырысамыз!