Сіздерге 2015 жылғы 13 сәуірден бастап «Еуразиялық банк» АҚ-тың барлық жалақылық карталарында сатып алу құнының бір бөлігін қайтару –  кэшбэк функциясы әрекет ететіні туралы хабарлауға қуаныштымыз. Біздің Банктің картасын қолдану бұрынғыдан да қолайлы болатынына  сенеміз, өйткені бүкіл дүниежүзі бойынша тауарлар мен қызметтерге төлем жасалатын әрбір операция сомасынан шоттарыңызға сатып алу сомасының 0,5% қайтарылады.

Бұл ретте Movistar Yamaha MotoGP командасының мотошабандозы Хорхе Лоренцо мотожарыстардың кез келген кезеңінде жеңіске жеткен жағдайда сіздерге қосымша кэшбэк есептелетін болады:
1-орын – 0,5%
2-орын – 0,25%
3-орын – 0,15%
Еуразиялық банктің жалақылық картасымен күнделікті шығыстарыңызды кіріске айналдыратын  боласыздар!

Анықтама ақпараты

Еуразиялық банктің жалақылық картасы – бұл қолма-қол ақша алудың тиімді, жедел және қолжетімді құралы ғана емес, сондай-ақ өзіңнің қаржы ағындарыңды басқарудың бірегей тәсілі.
Жалақылық карта көмегімен ұйымның әрбір қызметкері өзінің ақшасын қауіпсіз және сенімді орында сақтай алады, әмиянын алдын ала толтыруды ойламай-ақ, кез келген уақытта қалағанын сатып ала алады. Соған қоса, ұйым қызметкері қалауы бойынша кредиттік лимит ресімдей алады.
Бұл карталардың бірқатар қайталанбас артықшылықтары бар:

• Карта қолданылатын шот өз ақшаңды басқарудың қолайлы құралы.
• Еуразиялық банк желісінде жалақылық жоба шеңберінде ақша қаражатын алу тегін жүргізіледі. Сіздер ақшамен (қолма-қол және қолма-қол ақшасыз) барлық операция түрлерін бүкіл Қазақстан аумағында, сондай-ақ одан тысқары жерлерде де жүргізу мүмкіндігіне ие боласыздар.
• Сіздер әлемнің көптеген елдерінде тауарлар мен қызметтер үшін Еуразиялық банктің картасымен төлем жасау мүмкіндігіне ие боласыздар. Бұл ретте ақшаны жоғалту тәуекелі айтарлықтай төмендейді, себебі картаны жоғалтқан немесе ұрлатқан жағдайды оны жедел түрде оқшаулауға болады, ал қолма-қол ақшаны пайдаланған кезде ол мүмкін емес. Бүгінгі күні Еуразиялық банктің төлем карталарын төлемге қабылдайтын кең таралған банкоматтар мен ПОС-терминалдар желісі бар. Тауарлар мен қызметтерге қолма-қол ақшасыз есеп айырысу сіздер үшін өте қолайлы, өйткені төлеген кезде ешқандай комиссия ұсталмайды.
• SMARTBANK- интернет банкингке қолжетімділік.

Жалақылық жоба шеңберінде сіздер кез келген картаны аша аласыздар:

• Visa Classic Unembossed /MasterCard Standard Unembossed (атаулы және атаусыз),
• Visa Classic/ MasterCard Standard (атаулы),
• VISA Gold /MasterCard Gold (атаулы),
• Visa Platinum (атаулы),
• Visa Infinite (атаулы).