Еуразиялық банк қазақстандық жетекші автошабандоз Артур Ардавичуспен демеушілік келісімшарт жасады
23.12.2014 – Алматы. Қазақстандық танымал автошабандоз Артур Ардавичустың жүк көлігі мен комбинезонында Еуразиялық банктің логотиптері пайда болды. 18 қаңтар, сенбіде Astana Dakar Team командасының капитаны өзінің әріптестерімен бірге атақты да беделді «Дакар» ралли-марафонында табысты мәреге жетті. Қазақстандық автошабандоздар «Дакар-2014» жарысында лайықты нәтиже көрсетті. Артур Ардавичустың көлігі жиырма көшбасшының құрамында 14-ші орынды иеленді. Оның жетекшілігіндегі команда қауіпті де аса күрделі арнайы жерлерді қоса, 9 мыңнан аса шақырымды артқа тастады.
«Автокредит беру сегментінде көшбасшы бола отырып, Еуразиялық банк жылдамдық пен сапаға басты назар аударады және ең күрделі жағдайларда үздік нәтижелерді көрсетеді. Сол себептен де біз өз атымызды сынақтар мен кедергілерден тайынбаған, бізге жаны жақын Артур Ардавичуспен қатар қойғанымызды мақтан етеміз. Біз оның жетістіктеріне мақтанамыз, оған табыс және ең бастысы, қауіп-қатерсіз жол тілейміз, – деді Еуразиялық банк Басқармасының төрағасы Майкл Эгглтон.
Әлемдегі ең атақты автожарыстардың бірі – «Дакар» 5 қаңтарда Аргентинада басталып, 18 қаңтарда Чилиде мәресіне жетті. Артур Ардавичус «Дакар-2014» бағындыруға жаңа Tatra жүк көлігімен аттанған болатын. 14 күн бойы шабандоздар шеберлік, спорттық ерлік пен командалық рухты паш етті. Әдемі де нәтижелі ойын көрсеткен спортшылар нәтижелеріне дән риза және жақын арада үйге жүлделі медальдармен оралмақ.
Жоғары дәрежелі автошабандоздардың, механиктердің, техникалық мамандардың бірлескен қажырлы еңбегі халықаралық спорт аренасында Қазақстанның лайықты орын алуына арналады, – дейді «Дакар-2012» жарысының қола жүлдегері Артур Ардавичус. Бір кезеңде біз апатқа ұшырадық, көлігіміз айтарлықтай зақымдалды. Ирелеңдеген тау жолында жоғары жылдамдықпен келе жатқан машина бұрылмада қабырғаға барып соғылды. Бақытымызға қарай біз төмен құламай, жарақаттар ғана алдық. Түні бойы көлігімізді жөндеп, жарысқа қайта қостық. Алдымызға қойған міндеттер орындалды. «Дакар» асуы алынды, біздің командамыз оны кезекті рет бағындырды, яғни «Дакар» медальдары тағы да Қазақстанға жол тартпақ. Команданың атынан біздің серіктестерімізге, соның ішінде Еуразиялық банкке көрсеткен қолдаулары мен отандық автоспортты дамытуға қосқан үлестері үшін үлкен алғыс білдіремін».
Бүгінгі күні Артур Ардавичус шағын демалыстан кейін алдағы болатын «Дакар-2015» дайындықты бастамақшы. Алда – РФ аймағында өтетін «Шелковый путь» раллиі, сондай-ақ БАӘ, Египет, Катар, Марокко және басқа да елдерде өтетін ралли-рейдтер бойынша Әлем Кубогы кезеңдері.