Ағымдағы шоттар
Карталар
Петроглифтер арасындағы жыңғылдар мен талдар: «Арқалан» саябағында жаңа өмір пайда болды
Түркі дәуірінің куәсі болған петроглифтері бар арт-объектілердің бірегей галереясы жаңғыртылған Алматыдағы Ботаникалық бағындағы «Арқалан» петроглифтер паркінде өз өсімдіктер әлемі өсе бастады. Еуразиялық банк пен Mastercard қызметкерлері мұнда түпнұсқалы петроглифтер табылған аймақтардың өсімдіктері — талдар мен жыңғылдың 60 көшетін отырғызды.
Бұталарды отырғызу тағы бір бастама — бүкіл әлем бойынша 150-ден астам ұйымды біріктіретін «Баға жетпес планета» атты Masterсard-тың жаһандық коалициясы аясында өтті. 2030 жылға дейін оның мүшелері бүкіл әлем бойынша 100 миллион ағаш отырғызуды жоспарлап отыр. Еуразиялық банк Қазақстанда 5000 ағаш отырғызу туралы өзіне мақсат қойды.
Экологиялық жауапкершілік ұзақ уақыт бойы банктің негізгі құндылықтарының біріне айналған-ды. «Баға жетпес планета» коалициясына қатысудан басқа, банк арнайы экокарта шығарады, оның транзакцияларынан түскен бонустар көгалдандыру жобаларына жіберіледі.
Өткен жылы банк қызметкерлері клиенттермен бірге Алматыда, Астанада және еліміздің басқа да қалаларында «Алма қала» эко-қозғалысының, «Тұрақты даму» Жерді қорының, жергілікті әкімдіктердің қатысуымен 500 ағаш отырғызған еді. Бүгінде аталған «жасыл миссия» жалғасуда және «Арқалан» петроглифтер паркіне ағаш отырғызу— тұрақты дамуға жаңа мағынамен тағы бір қадам болып табылады.
«Ботаника және фитоинтродукция институты» және «Петроглиф ізшілері» ҚБ саябақты далалық өсімдіктер әлемі мен түркі петроглифтерінің авторлық интерпретациясы кіріге үйлесетін бірегей экожүйені жаңғырту мақсатында құрған. Сондықтан Еуразиялық банк Саябақты құруға қаржылай қолдау көрсетіп, оның одан әрі дамуына өз үлесін қосуда.
«Банк дәстүрлі түрде Қазақстанның табиғаты мен мәдени мұрасын сақтауға ерекше назар аударады. Бір жыл бұрын біз «Арқалан» саябағын құруды қолдап, экспедицияларға қосылдық, оның барысында «Петроглиф ізшілері» қорының еріктілерімен бірге жаңа көне үңгір суреттерін зерттеп, аштық. Биыл біз мұнда ағаш отырғызу арқылы табиғат, тарих және болашаққа деген ортақ жауапкершілігіміз арасындағы байланысты нығайту — жаңа миссиямен оралдық», — деді Еуразиялық банктің Басқарма төрағасы Ляззат Сатиева.
Банк басшысы сондай-ақ жасыл күн тәртібінің маңызды бөлігі инновациялық технологиялық шешімдер болып табылатынын атап өтті. Mastercard-пен бірге банк Экокарта шығарады, оның бонустары көгалдандыруға және қайта өңдеуге автоматты түрде жолданады. Сондай-ақ Алматыда өз ағашыңызды отырғызудың ыңғайлы тәсілі пайда болды. MEGA Center СОО-да Еуразиялық банк бөлімшесінің жанында лайтбоксы бар инновациялық POS-терминал орнатылған. Кез келген адам кез келген банктің картасымен экранға тигізіп, ағаш отырғызуға қайырымдылық түрінде 500 теңге бере алады.
«Бүгінгі таңда біз климаттың өзгеруі планетаның әрбір тұрғынының өміріне қалай әсер ететінінің куәсі болып отырмыз. «Жақсылық жасау арқылы табысқа жету» философиясына сәйкес (Doing well by doing good) біздің компания бүкіл әлем бойынша кейінгі ұрпақ үшін климат пен қоршаған ортанының тазалығын сақтау мақсатында серіктестіктерді қолдайды және дамытады. Сондықтан Mastercard адамдардың өркендеуі мен планетаның гүлденуі бір-бірімен тығыз байланысты екенін айқын көрсететін біздің Priceless Planet Coalition-ның мүшесі Еуразиялық банктің экологиялық бастамаларын қуана қолдайды», – деді Mastercard-тың Орталық Азиядағы бас директоры Санжар Жамалов.
Жыл бойы Еуразиялық банк қызметкерлермен және клиенттермен бірге елдің әр түкпірінде жасыл оазистер құруды жалғастырады. Банк үшін бұл жақсы дәстүрге айналды — бұл тәсіл табиғи ландшафттарды жақсартуға ғана емес, сонымен қатар адамдарды табиғатқа қамқорлық жасауға тартуға көмектеседі.