3 наурыз 2014 ж. Операциялар мен тәуекел көрсеткіштерінің толық ашықтығы саясатын негізге ала отырып, Еуразиялық банк басшылығы 2013 ж. соңындағы жағдай бойынша, сондай-ақ ағымдағы күнге Еуразиялық банк пен оның еншілес ұйымдарында Украинамен байланысты, соның ішінде банкаралық депозиттерді, реттелген және жай облигацияларды, акцияларды, сырттан немесе украиналық компаниялардың, Украинада қызметін жүзеге асырушы өзге заң құзыретіндегі компаниялардың немесе украиналық банктердің пайдасына кепілдік қамтамасыз етуді қоса, кредиттік және есептік тәуекелдердің жоқ екендігін хабарлайды.
Сонымен қатар Еуразиялық банк украиналық банктер немесе компаниялар тарапынан депозиттердің немесе қандай да бір қорлардың жоқ екені туралы хабарлайды.
Анықтама:
«Еуразиялық банк» АҚ – барлық сегменттің клиенттері үшін өнімдері мен қызметтерін ұсынушы әмбебап банк. 1994 жылы іргесі қаланған Банк бүгінде Қазақстанның барлық өңірлерінде жұмыс істейді, Ресейде (Мәскеу қ.) еншілес банкі бар. S&P соңғы рейтингі: «оң» болжамымен В+, KZRating: халықаралық шкала бойынша ВВ+, ұлттық шкала бойынша А+, болжам «тұрақты». KASE мүшесі, KazPrime қатысушысы.
Банктің табысты қызметі 2012 ж. және 2013 ж. қорытындылары бойынша «Қазақстанның үздік бөлшек банкі» (Asian Banking & Finance), 2012 ж. және 2013 ж. қорытындылары бойынша «Қазақстанның үздік банкі» (Euromoney) және 2012 ж. «Қазақстандағы жыл банкі» (The Banker) номинацияларындағы марапаттармен расталған.
«Еуразиялық банк» АҚ Баспасөз қызметі
тел. +7 (727) 2 599 599 (ішкі 4802)
press@eubank.kz
www.eubank.kz