2021 жылғы 19 мамыр, Алматы — «Еуразиялық банк» АҚ-ның 2020 жылғы шоғырландырылған пайдасы Ресейдегі еншілес банкті сатудан түскен 2,1 миллиард теңге болатын біржолғы шығынды ескере отырып, 4,5 миллиард теңгеден 6,8 миллиард теңгеге дейін өсті. Шоғырландырылған активтер 13%-ға 1,2 триллион теңгеге дейін өсті. Капитал 10%-ға 109 миллиард теңгеге дейін өсті.

Банк халықаралық аудит кезінде расталған қаржылық есептілікті жариялады. Ресейдегі еншілес банкті сату жөніндегі мәмілені есепке алмағанда, банктің 2020 жылғы күнделікті қызмет нәтижесінде алған пайдасы алдыңғы жылғы ұқсас көрсеткішпен салыстырғанда екі есе өсті.

«2020 жылғы қаржы қорытындылары бүкіл әлем үшін күтпеген соққы болған пандемия жағдайында банктің бизнес-моделінің тұрақты болғанын дәлелдейді. Акционерлер атынан айнымас және біз үшін бағалы сенімі үшін клиенттерімізге, сондай-ақ үздік нәтиже көрсеткен командаға алғыс айтқым келеді. Осы бір қиын жылы команданы нығайтуға және технологиялық қайта жарақтандыруға салынған инвестициялар бізге болашаққа сеніммен қарауға мүмкіндік береді!» — деп мәлімдеді банктің директорлар кеңесінің төрағасы Александр Машкевич.

«Еуразиялық банк» АҚ тобына банктен басқа «Еуразиялық жоба-1» ЖШС және «Еуразиялық жоба-2» ЖШС еншілес кәсіпорындары кіреді. «Еуразиялық банк» АҚ еншілес банкін сату жөніндегі мәміле (Мәскеу қ.) 2020 жылдың 29 желтоқсанында іске асырылды. «Еуразиялық қаржы компаниясы» АҚ банктің бас компаниясы болып табылады және банк акцияларының 100%-на ие.

«Еуразиялық банк» АҚ PR-қызметі

+7 (727) 259-95-99, ішкі 4401.

press@eubank.kz