Құрметті клиенттер!

Қазақстанның банктік секторында 2025 жылғы 20-21 қарашада маңызды кезең – шетел валютасындағы төлемдерді SWIFT желісі арқылы жүзеге асырған кезде ISO 20022 халықаралық стандартына көшу жұмыстары аяқталады. Ұлттық Банкі және Еуразиялық банкпен қоса, екінші деңгейдегі барлық банктер төлемдердің барынша заманауи әрі сенімді форматын қамтамасыз ету үшін кешенді техникалық және жаңарту жұмыстарын жүргізіп жатыр.

Сонымен қатар 2026 жылдың 1 қаңтарынан бастап жаңа Салық кодексінің күшіне енуіне дайындық жүргізілуде, бұл да жүйелер мен процестерге техникалық түзетулерді талап етеді.

Біз осы жұмыстардың қалыпты қызмет көрсетудің жылдамдығы мен сапасына әсер етпеуі үшін бар күш-жігерімізді саламыз. Алайда жекелеген жағдайларда, төлемдерді жүргізген кезде қысқа мерзімді кідірістер немесе іркілістер болуы мүмкін.

Жылдың соңы әдетте маңызды қаржы операцияларын жоспарлау және аяқтауға байланысты болатынын ескере отырып, біз жүйелердегі жаңартулар сіздерге байқалмауы үшін қолдан келгеннің бәрін жасаймыз. Сонымен қатар қажетті төлемдер туралы алдын ала қамданып, мүмкіндігінше оларды соңғы күнге қалдырмай төлеуге кеңес береміз — бұл жаңартулар кезіндегі қолайсыз жайттардың алдын алуға көмектеседі.

Түсіністікпен қарап, сенім артқандарыңыз үшін рақмет! Жүргізіліп жатқан жұмыстардың барлығы болашақта жүргізілетін операциялардың бұрынғыдан да жылдам, тұрақты әрі қауіпсіз өтуіне бағытталған.