Ағымдағы шоттар
Карталар
2020 жылғы 1 маусымнан бастап заңды тұлғалар үшін банктік шоттардан қолма-қол ақшаны алу талаптары өзгереді.
ҚР ҰБ Басқармасының 21.04.2020 ж. №50 “Заңды тұлғалардың банктік шоттардан күнтізбелік ай ішінде қолма-қол ақшаны алу сомасының шекті мөлшері және банктік шоттардан қолма-қол ақшаны алу жөніндегі талап қолданылмайтын заңды тұлғалардың санаттары туралы” қаулысының талаптарын сақтау мақсатында заңды тұлғалардың банктік шоттардан күнтізбелік ай ішінде қолма-қол ақшаны алуы келесі сома мөлшерінен аспайтын көлемде жүзеге асырылады:
|
Шағын кәсіпкерлік субъектілері үшін |
Орта кәсіпкерлік субъектілері үшін |
Ірі кәсіпкерлік субъектілері үшін |
|
20 000 000 (жиырма миллион) теңге |
120 000 000 (бір жүз жиырма миллион) теңге |
150 000 000 (бір жүз елу миллион) теңге |
Заңды тұлғалар банкке тиісті негіздеме (шарт немесе қолма-қол ақша алу қажеттілігін растайтын өзге құжаттар) ұсынған жағдайда белгіленген лимиттерден асыруға жол беріледі . Қолма-қол ақшаны алу сомасын ұлғайтуға арналған өтінімді банк үш жұмыс күні ішінде ҚР Қаржы министрлігінің Мемлекеттік кірістер комитетімен келісімдейді.
Сондай-ақ банк клиенттердің корпоративтік карталары бойынша 1 000 000 (бір миллион) теңге сомасында қолма-қол ақша алуға айлық лимит белгіледі.
Назар аударыңыз! Клиентте корпоративтік карта болған жағдайда заңды тұлғаның ағымдағы шотынан алуға арналған лимит корпоративтік картада белгіленген шектеу сомасына аз болады.