Еуразиялық банк пен “Қазақстанның депозиттерге кепілдік беру қоры” АҚ “Астана Банкі” АҚ клиенттеріне кепілдік берілген өтемді төлеу мерзімін 2020 жылдың 27 шілдесіне дейін ұзарту туралы қосымша келісім жасады.

Қазіргі сәтте міндеттеменің бастапқы сомасынан тек 1% ғана қалды.  Бұл, негізінен, шоттардағы шағын қалдықтар. Төлем үшін әлі жүгінбеген Астана банкінің салымшыларының 95% бес мың теңгеден кем, оның ішінде салымшылардың 80% бір мың теңге шегінде депозиттері болған. Төлемді алуға 209 мың адам әлі келмеген.

Салымшыларға қолайлы болуы үшін ҚДКБҚ мен Еуразиялық банк өтемді төлеу мерзімін 2020 жылғы 27 шілдеге дейін ұзартты.   Осы уақыт ішінде Еуразиялық банк Қазақстанның 33 қаласындағы 17 филиал мен 114 есеп айырысу-кассалық кеңселердің кез келгенінде өтем төлеуге дайын. Өтемді беру 15 минуттан артық уақытты алмайды, тек жеке куәлік пен сол жерде берілетін өтініш қана қажет.