Еуразиялық банк мемлекеттік қолдау шеңберінде әлеуметтік жағынан осал азаматтар тобынан қарыз алушыларға негізгі борышты және ол бойынша есептелген сыйақыны өтеді және 8 қыркүйектен бастап кредитті өз бетінше өтеген  клиенттерге ақшалай айырманы (артық төлеу) қайтаруды бастайды.

«Қазақстан Республикасы азаматтарының борыш жүктемесін азайту туралы» Президенттің 2019 жылғы 26 маусымдағы № 34 Жарлығына сәйкес мемлекет 2019 жылғы 1 маусымдағы қарыз жағдайы бойынша жалпы мөлшері 300 000 теңгеге дейін негізгі борыш пен ол бойынша есептелген сыйақыны өтейді. Егер қарыз алушы 2019 жылғы 1 маусымнан бастап 2019 жылғы 30 тамыз аралығындағы кезеңде өзінің берешегін өздігінен өтеп үлгерсе, онда ол банк бөлімшесіне келіп, өзіне тиесілі қалған қаражатты ала алады.

Кезекті болдырмау және қызмет көрсетуді жайлы қамтамасыз ету үшін Еуразиялық банктің бөлімшелері демалыс күні — 8 қыркүйек күні жұмыс істейтін болады. Бөлімшелердің тізімдері мен мекенжайларын eubank.kz.-тен қараңыз.

Өзінің берешегі және кредит бойынша қаражат төлеу туралы ақпаратты Еуразиялық банктің сайтында сілтеме бойынша тексеруге болады.

2019 жылғы 8 қыркүйектен бастап банк әр қарыз алушыны жеке-жеке нақты бір бөлімшеге SMS арқылы шақырады. Банк қарыз алушыларды алу мерзімімен шектемейді — тиесілі артық төлемді 8 қыркүйектен бастап кез келген уақытта алуға болады.