Еуразиялық банктің тарихында тағы да бір айтулы оқиға орын алды – SMARTBANK-те тіркелген (жеке тұлғаларға арналған интернет-банкинг жүйесі) клиенттер саны 200 мыңға жетті!
Маусым айында ғана SMARTBANK пайдаланушылар саны 100 мыңға дейін болған. SMARTBANK-ті қолдаушылар санының белсенді өсіміне жаңа сервистердің қосылуы ықпал етті. Ағымдағы жылдың екінші жартыжылдығында келесі жаңа қызметтер қолданысқа енгізілді: теңгеде, АҚШ долларында және еурода онлайн депозит ашу; салықтар және жол жүру ережелерін бұзғаны үшін айыппұлдар төлеу; «Астана-ЕРЦ» ЖШС коммуналдық қызметтерді төлеу; төлем деректемелері бойынша әртүрлі компаниялардың шоттарына аударымдар жіберу; iOS, Android, Windows негізіндегі құрылғылар үшін SMARTBANK мобильді қосымшасы әзірленді, сондай-ақ аптасына 7 күн 24 сағат банкішілік аударымдар жасау мүмкіндігі жүзеге асырылды.
«Интернет-банкинг жүйесін дамыту Банктің ең өзекті және маңызды міндеттерінің бірі. Біз нарықтағы өзгерістерді ескере отырып, өз клиенттерімізге ыңғайлы және озық үлгідегі интернет-банкинг жүйесін ұсынамыз. Қазіргі уақытта біз жүйені жетілдіру және жаңа сервистерді қолданысқа енгізу жұмыстарын жалғастырудамыз»,- дейді Атқарушы директор – Еуразиялық банктің карточкалық бизнес және төлем қызметтері басқармасының бастығы Татьяна Бурнакина.