2020 жылғы 7 қыркүйек, Алматы

“Еуразиялық банк” АҚ директорлар кеңесінің шешімімен 7 қыркүйектен бастап корпоративтік блок пен ШОБ қызметіне жетекшілік ететін Ляззат Адыловна Сатиева басқарманың жаңа мүшесі, банк басқармасы төрағасының орынбасары болып сайланды.

Ляззат Адыловна банк саласында көп жылдық тәжірибесі бар.  Еуразиялық банкке шақырылғанға дейін ForteBank-тің басқарушы директоры қызметін атқарды.  Бұған дейін 10 жыл бойы Қазкоммерцбанктегі шағын және орта бизнесті қаржыландыру бағытын сәтті басқарған болатын.  БТА банкі мен Қазкоммерцбанктің біріктіру жобасына БТА банкі төрағасының орынбасары ретінде қатысты.

Ляззат Сатиева – МВА мамандандыруымен Халықаралық бизнес академиясының, сондай-ақ “Қаржы және кредит” мамандығы бойынша Павлодар мемлекеттік университетінің түлегі.

“Теңгеге 20 жыл” үкіметтік медалімен және “Еңбек сіңірген қаржыгер” қоғамдық орденімен марапатталған.

“Еуразиялық банк” АҚ Директорлар кеңесі 15 қазаннан бастап банктің басқарма мүшесі, басқарма төрағасының орынбасары Шухрат Әбдірасұлұлы Садыровтың өкілеттігін мерзімінен бұрын тоқтатты.

Сонымен қатар банктің директорлар кеңесі 7 қыркүйектен бастап “Еуразиялық банк” АҚ Басқармасының 7 адамнан тұратын сандық құрамын бекітті.

“Еуразиялық банк” АҚ-тың PR-қызметі

+7 (727) 259-95-99, ішкі: 4401.

press@eubank.kz

еubank.kz