Пресс-релиз, Алматы, 2025 жылғы 24 желтоқсан

Мемлекет басшысы Қасым-Жомарт Тоқаев заманауи бронетехника өндірісінің толық циклін қамтамасыз ететін Besqaru Kazakhstan Manufacturing зауытының өндірістік қуаттарымен танысты.

Қаржылық серіктесі болып табылатын Еуразиялық банк осы стратегиялық жобаны іске асыруда шешуші рөл атқарды.

“Біз Қазақстанның өнеркәсіптік әлеуетін дамытуға және жаңа жұмыс орындарын құруға ықпал ететін жобаларды қолдаймыз. Besqaru зауыты ұлттық өнеркәсіпті дамытудың маңызды элементіне айналды және елдің халықаралық нарықтағы бәсекеге қабілеттілігін нығайтуға мүмкіндік берді”, — деп атап өтті Еуразиялық банктің Басқарма төрағасы Ляззат Сатиева.

Besqaru өндірістік алаңының аумағы 16 мың шаршы метрден асады. Зауыт аумағында корпустарды дәнекерлеу, рентген-бақылау, металды ию және кесу, сондай-ақ техниканы соңғы құрастыру учаскелері орналасқан. Кәсіпорын 134 жоғары білікті маманды жұмыспен  қамтамасыз етіп отыр, ал өндірісті жергіліктендіру деңгейі 40%-ға жетеді, бұл кәсіпорынды саладағы ең технологиялық дербес кәсіпорындардың біріне айналдырады.

“Біздің мақсатымыз — Қазақстанда ең жоғары сапа стандарттарына жауап беретін заманауи броньды техниканы озық әлемдік технологиялар деңгейінде жасау. Еуразиялық банктің қолдауы бұл жобаны іске асыруға және ұлттық өнеркәсіпті одан әрі дамыту үшін іргетасын қалауға мүмкіндік берді. Besqaru зауыты — бұл өндірістік алаң ғана емес, сонымен қатар инженерлік құзыреттілік, инновациялар және мамандардың кәсіби өсу орталығы”, — деп атап өтті Besqaru Kazakhstan Manufacturing зауытының құрылтайшысы Марат Есимсеитов.

Толықтай сынақтан өтіп, еліміздегі әскердің қару-жарағына қабылданған TAIMAS 8×8 қазақстандық бронетранспортерлерінің сериялық нұсқасы презентацияның басты оқиғасына айналды.  TAIMAS 8×8 платформасы түрік инженерлік шешімдерінің негізінде жасалған, жауынгерлік модуль қытайлық NORINCO корпорациясымен бірлесіп әзірленген, бұл ретте бүкіл өндірістік цикл мен финалдық бейімделу Қазақстанда жүзеге асырылады.

TAIMAS-тан басқа AIBAR 4×4 броньды машиналары және олардың модификациялары ұсынылды. Бұл санатқа жауынгерлік, техникалық және медициналық нұсқалар, сондай-ақ байланыс машиналары кіреді. AIBAR-ды қоса алғанда, техниканың сериялық өндірісін іске қосу Besqaru алаңында өндірістік процестерді кезең-кезеңімен реттеуден кейін жүзеге асырылды.

Besqaru Kazakhstan Manufacturing ұлттық өнеркәсіпті дамытудағы маңызды қадам болды және инновациялар, бизнес пен мемлекеттің стратегиялық әріптестігі, сондай-ақ өндірісті жергіліктендірудің жоғары дәреже болуы халықаралық деңгейде бәсекеге қабілетті заманауи технологиялық кәсіпорын құруға қабілетті екенін көрсетеді.