Алматы, 2022 жылғы 13 сәуір — Банкке келіп түскен Moody’s Investors Service рейтинг агенттігінің (“Moody’s”) баспасөз релизінде Еуразиялық банктің ұзақ мерзімді рейтингісінің В2 деңгейінде екені тұрақты болжаммен растағаны хабарланған.

Рейтингтің расталуы банктің тұрақты дамуына қатысты Moody’s болжамдарының дұрыс екенін көрсетеді. Ұзақ мерзімді рейтингтер бойынша тұрақты болжам кезінде банктің нық капиталдандырылуы, инфляцияның артуы мен бизнес жүргізудің экономикалық жағдайларының қиындауы салдарынан активтер сапасының төмендеуін теңестіретін кірістерінің және өтімділігінің жоғары болуына берілген баға ескеріледі.

Агенттіктің пікірінше, Қазақстанның банк секторының операциялық ортасы мен кредитке қабілеттілігі әлеуметтік және саяси тәуекелдерге қатысты тұрақтылығын сақтап қалды, оның дәлелі – 2022 жылғы қаңтардағы төтенше оқиғалар.

«Еуразиялық банк» — Қазақстанның 28 жылдық даму тарихы бар әлеуметтік маңызды коммерциялық банкі. Активтерінің мөлшері жөнінен еліміздегі ең ірі 10 банктің қатарына кіреді, бөлшек банкинг нарығында жетекші орында келеді, корпоративтік клиенттер мен ШОБ субъектілеріне қызметтердің кең шеңберін ұсынады. Банк ERG тобының (минералды ресурстарды өндіру және өңдеу саласындағы әлемдегі ең ірі компаниялардың бірі) экожүйесінің құрамына да кірді.