Алматы, 2020 жылғы 2 қазан

Tengri Bank салымшыларына кепілдікті өтемнің негізгі төлемдері демалыс күндері 3-4 қазанда төленеді деп күтілуде және Қазақстанның депозиттерге кепілдік беру қоры агент банк ретінде таңдаған Еуразиялық банк бөлімшелері арқылы жүргізілетін болады.

2 қазандағы жағдай бойынша “Tengri Bank” АҚ салымшылары алдында кепілдікті өтем сомасы бойынша міндеттемелердің жалпы сомасының 44% астамы төленді. Сенбі және жексенбі – 3 және 4 қазан күндері салымшылардың өтініштерін қабылдап, тек Tengri Bank салымшыларына кеңес беріп, төлемдер жүргізуге бөлімшелердің бір бөлігі дайын болады, ал екінші бөлігі Tengri Bank салымшыларына да, Еуразиялық банктің клиенттеріне де қызмет көрсететін болады.

3 және 4 қазанда жұмыс істейтін бөлімшелер мен филиалдардың толық тізімін сілтеме бойынша № 17 тармақтағы “Сұрақтар мен жауаптар” бөлімінен қараңыз.

Барлық санитарлық қауіпсіздік нормаларын қолдана отырып, арнайы қызмет көрсету осы күндері кезектерді болдырмауға және COVID-19 пандемиясымен байланысты эпидемиологиялық қауіптерді азайтуға мүмкіндік береді. Жұмыс істейтін бөлімшелердің тізімі банктің eubank.kz сайтында қолжетімді.

Алайда, жаңа картаға eubank.kz сайтында онлайн тапсырыс беру арқылы өтемді қашықтықтан алу денсаулық үшін басымды және қауіпсіз әдіс болып қала береді  Ақша картаны алғаннан кейін және жаңа картамен шабарман арқылы жіберілетін қажетті құжаттарға қол қойылғаннан кейін 5 күн ішінде түседі.