14 ақпан, Алматы
Еуразиялық банк қазақстандық бизнесті қолдау қарқынын ұлғайтуға ден қойды және, Қаржы қадағалау агенттігінің мәліметі бойынша, 2021 жылы корпоративтік кредит беру өсімі бойынша ірі банктер арасында суырылып алға шықты. Еуразиялық банктің корпоративтік кредиттер портфелі бір жыл бұрынғы деректермен салыстырғанда шамамен 40%-ға өсті.
Банк мемлекеттік-жекешелік әріптестік шеңберінде өңдеу және тамақ өнеркәсібі, сондай-ақ тұрғын үй-коммуналдық шаруашылық саласындағы бірқатар жаңа ірі және орташа көлемді жобаларды қаржыландырды.
«Өткен жылы біз корпоративтік бизнесті дамытуға баса назар аудардық. Басқарушылар командасы жаңарған кезде банк экономиканы қаржыландырудың бұрын қолға алынбаған жаңа салаларына бет бұрды. Біз клиенттерге ет, сусындар өндіруге, тұрғын үй шаруашылығында құбыр желілері мен газ құбырларын тартуға көмектесеміз», — деп түсіндірді басқарма төрағасы Валентин Морозов.
Ол өз сөзін корпоративтік портфельдің серпінді өсуі — Еуразиялық банк үшін маңызды оқиға екені, өйткені осы уақытқа дейін елдің ең ірі 10 қаржы институтының қатарына тұрақты кіретін банк негізінен бөлшек кредиттеуде көш басында болғаны туралы пікірлерімен толықтырды.